Azərbaycan Ədliyyə Nazirliyinin Penitensiar xidmətinin əsgəri intihar edib

Azərbaycan Respublikası Ədliyyə Nazirliyinin Penitensiar xidmətinin əsgəri intihar edib.

Penitensiar xidmətin şöbə rəisi Mehman Sadıqov məlumatı təsdiqləyib.

O bildirib ki, mayın 31-də saat 02:50 radələrində Ədliyyə Nazirliyi Penitensiar xidmətinin Mühafizə Alayının atıcı bölüyünün atıcısı, əsgər 2003-cü il təvəllüdlü Məhəmməd Teymur oğlu Əliyev keşikçi qülləsində xidmət apararkən ona təhkim olunmuş AK-74 markalı avtomat silahından atəş açaraq intihar edib.

Faktla bağlı Bakı Hərbi Prokurorluğu tərəfindən araşdırma aparılır.