Ermənistanda keçiriləcək seçkilərdə 22 partiya və 4 fraksiya iştirak edəcək

İyunun 20-də Ermənistanda keçiriləcək növbədənkənar parlament seçkilərində 22 partiya və 4 blok qeydiyyata alınıb. Bu barədə MSK-nın sədri Tiqran Mukuçyan jurnalistlərlə müsahibəsində bildirib.

“Bütün hesablamalar başa çatdıqdan sonra biz maliyyələşdirmə ilə bağlı məsələləri də ətraflı şəkildə təqdim edəcəyik”, – deyə Mukuçyan əlavə edib.

İyunun 20-də keçiriləcək seçkilərdə 2 581 093 vətəndaş iştirak edəcək.

Xatırladaq ki, əvvəlcə seçkidə iştirak etmək üçün 23 partiya müraciət edib, lakin onlardan biri qeydiyyata alınmayıb.