Ermənistan hakimiyyəti sözdə “Zangezur dəhliz” mövzunu heç vaxt müzakirə etməyib və müzakirə də etməyəcək. ER Baş nazirinin aparatının rəhbəri Arsen Torosyan cümə günü parlamentdəki jurnalistlərə bildirib.
Torosyanın qeyd etdiyi kimi, ölkə rəhbərliyi dəfələrlə bu mövzu ilə bağlı danışıb. O əlavə edib ki, “Zangezur dəhlizi” ilə bağlı məsələ heç bir sənəddə göstərilməyib.
Arsen Torosyan bildirib ki, əsirlərin Azərbaycandan qaytarılması ilə bağlı danışıqlar ən yüksək səviyyədə davam edir. Onun sözlərinə görə, əvvəllər Moskvada aparılan müzakirələr kifayət qədər ətraflı idi. Danışıqların əsas mövzusu əsirlərin geri qaytarılması və Azərbaycan qüvvələrinin Ermənistanın sərhəd ərazilərindən çıxarılması idi.
“Azərbaycan qoşunları Ermənistan ərazisini tərk etməlidirlər və bu, əlbəttə ki, strateji və digər tərəfdaşlarımızla əməkdaşlıq nəticəsində, həmçinin silahlı qüvvələrimizin işi nəticəsində baş verəcək”- deyə Torosyan qeyd edib.
Torosyana görə, hərbi-siyasi müttəfiq -olan Rusiya ilə problemin necə həll olunacağına dair bir anlaşma var. Rusiya tərəfi məsələnin həll olunmasını təmin etmək üçün hər cür səy göstərir.
O bir daha qeyd edib ki, sərhədlər, kəndlər, demarkasiya məsələlərində heç bir razılaşma yoxdur. Demarkasiya on illər davam edən uzun prosesdir və sürətli qanuni qərarlar gözləməyə ehtiyac yoxdur.
