Rus sülhməramlıları Askeranda açıq rus dili dərsi keçiriblər

Rusiya Müdafiə Nazirliyi, Dağlıq Qarabağdakı sülhməramlı kontingentin hərbçilərinin Askeran orta məktəblərində açıq rus dili dərslərində iştirak etdiklərini bildirir.

Sülhməramlılar rus dili və ədəbiyyatının mənşəyindən bəhs ediblər. “Sülh” və “sülhməramlı” sözlərinin mənasını da izah ediblər. Uşaqlara sülhməramlıların Dağlıq Qarabağda hansı tapşırıqları yerinə yetirdiyi də izah edilib.

Dağlıq Qarabağdakı sülhməramlı əməliyyatlar zamanı rus hərbçilər interaktiv tarix dərsləri, vətənpərvərlik aksiyaları və tematik yaradıcılıq görüşləri aparmaq üçün uşaqları 50 dəfədən çox ziyarət ediblər.