2021-ci ildə növbədənkənar parlament seçkilərində “Mülki müqavilə” partiyası Ermənistan və Artsax üçün dinc inkişaf dövrü açmaq məqsədilə Ermənistan vətəndaşlarından mandat aldı. ER baş nazirinin vəzifəsini icra edən Nikol Paşinyan bu gün hökumətin iclası zamanı bəyan edib.
“Bu mandat ölkəmiz ətrafında əlverişli mühitin yaradılmasını, regional kommunikasiyaların açılmasını, regional sabitliyin və davamlı sülhün bərqərar olmasını nəzərdə tutur”- deyə o qeyd edib.
Onun sözlərincə, proqnozlaşdırılanlar baş verdi. Azərbaycan beynəlxalq aləmdəki sülhsevər bəyanatlara baxmayaraq, bölgədəki sülhü əngəlləmək üçün əlindən gələni edir.
“Bunu düşündüyümüz kimi edir, Ermənistan və ya Artsaxın sülh əleyhinə, delimitasiya və demarkasiya proseslərinə qarşı olduqlarını göstərir və bunun fonunda, təcavüzkar siyasət qurmaq üçün saxta əsaslar yaradacaq. Onun təzahürlərini son günlərdə də görürük, həm də son aylarda gördük”- deyə Paşinyan qeyd edib.
Baş nazir vəzifəsini icra edən Nikol Paşinyan qeyd edib ki, ER, RF və Azərbaycan baş nazir müavinləri səviyyəsində işçi qrupu regional kommunikasiyaların açılması istiqamətində kifayət qədər konstruktiv və təsirli iş aparır, Azərbaycanın qondarma “Zəngəzur dəhlizi” ilə bağlı bəyanatların isə qrupun apardığı işlə xüsusilə yanvarın 11-də Moskvada imzalanmış razılaşma ilə hər hansı əlaqəsi yoxdur.
Yerasx sərhədində qarşılıqlı atışma olub. Qurban var, Azərbaycan tərəfinin də itkiləri var.
“Mənim şərhim birmənalıdır. Azərbaycan üçtərəfli işçi qrupunun işini pozmaq və regional kommunikasiyaların açılmasının qarşısını almaq üçün dəhlizlə bağlı açıqlamalar verir. Niyə? Çünki Azərbaycanın məqsədi Ermənistanın 30 illik blokada prosesini, siyasətini davam etdirməkdir”- deyə Nikol Paşinyan qeyd edərək bildirib ki, Ermənistan blokadanı qırmaq üçün üçtərəfli işçi qrupunda çalışmağa davam edəcək.
Nikol Paşinyan Ermənistanın, Rusiyanın və beynəlxalq tərəfdaşlarının dəstəyi ilə kommunkiasiyaların açılması məqsədinə çatacağına inandığını bildirib.
