Ermənistan İHM “Facebook” səhifəsində qeyd edilir ki, Azərbaycan hakimiyyəti beynəlxalq qaydaları açıq şəkildə pozaraq hərəkət edir və bu gün Geğarkunikdə həlak olan 3 erməni hərbçisinin öldürülməsinə, yaşamaq hüquqlarının pozulmasına, yaralı hərbçilərin sağlamlığına ziyan vurulmasına görə məsuliyyət daşıyırlar.
“Bunu ən azı Azərbaycan silahlı qüvvələrinin etdikləri sübut edir, çünki onlar:
1. Ermənistan Respublikasının suveren ərazisinə, Geğarkunik və Syunikə qeyri-qanuni girib və yerləşdiriblər,
2. 2020-ci il 9 noyabr bəyanatından sonra qanuni sənədlərlə Ermənistan Respublikası sakinlərinin mülkiyyətində olan və ya kənd icması mülkiyyətində olan torpaqlarda fiziki olaraq qalırlar,
3. müntəzəm olaraq kəndlər istiqamətində atəş açırlar, mülki şəxslərin həyatı və sağlamlığı üçün real təhlükə yaradırlar, mallarına və heyvanlarına ziyan vururlar,
4. mülki şəxslərə qarşı heyvan oğurlamaq, insanları azadlıqdan məhrum etməyə cəhd etmək, mülki şəxsləri odlu silahla hədələmək, əkinçilik fəaliyyətinə mane olmaq kimi qanunsuz hərəkətlərlə məşğul olurlar,
5. kəndlərin yaxınlığında, icmalar arasındakı yollarda insanların sərbəst hərəkəti məhdudlaşdırırlar.
Bütün bunlara əlavə olaraq, Azərbaycan hakimiyyətinin rəsmi olaraq bəyan etdiyi kimi, silahlı hücumları və müharibə təhdidləri sərhədlərin delimitasiya və demarkasiya proseslərinə təsir göstərmək üçündür ki, bu da beynəlxalq səviyyədə qadağan edilmişdir”.
