“Orbeli” Analitik Mərkəzinin eksperti Taron Hovhannisyan Sputnik Armenia-ya Ermənistan-Azərbaycan sərhədində yaranmış gərginlikdən və Azərbaycanın təhrik etdiyi təxribatların motivlərindən danışdı.
Ekspertin fikrincə, azərbaycanlılar Ermənistanın suveren ərazisinin işğalını faktiki olaraq qanuniləşdirəcək bir müqavilə imzalamaq istəyirlər. Yəni, İlham Əliyev Ermənistanın birtərəfli güzəştlərini sənədləşdirmək istəyir.
Azərbaycan tərəfi may ayından etibarən vəziyyəti daim gərginləşdirir, təkcə Ermənistanın mövqelərinə deyil, həm də yaşayış məntəqələrinə qarşı təcavüzünü davam etdirir. Son on gündə isə, Yerasx hissəsində daha da aktivləşdi və Ermənistan Respublikasının suveren ərazisində irəliləyişi təmin etməyə çalışdı. Hovhannisyanın sözlərinə görə, tərəflər arasında əvvəlcədən bir görüş olmalı idi, bu müzakirə Rusiyanın vasitəçiliyi ilə aparılacaqdı, halbuki Azərbaycan Rusiyanın vasitəçilik təşəbbüsünü torpido edir.
“Bakının siyasəti onu göstərir ki, həmsədrlərin sülh danışıqlarına başlamaq cəhdlərinin qarşısını almağa çalışır, prosesdən kənarda qalmaq üçün gərginlik yaradırlar”,-deyə ekspert qeyd etdi. .
Hovhannisyanın sözlərinə görə, Azərbaycan tərəfi delimitasiya və demarkasiya məsələlərində güzəştə nail olmaq üçün Ermənistana təzyiq göstərməyə çalışır. Bakıdan səsləndirilənm bəyanatlarda sülh müqaviləsindən bəhs olunursa da, elə ilkin şərtlər qoyulur ki, bu, prosesi qeyri-mümkün edir.
