Ermənistan UNESCO-nun faktaraşdırıcı missiyasını alqışlayır və “Silahlı münaqişə vəziyyətində mədəni sərvətlərin qorunması haqqında” 1954-cü il Haaqa Konvensiyasına və buna əlavə edilmiş iki protokola uyğun olaraq, ən qısa zamanda onun həyata keçirilməsinə dəstək verməyə hazırdır. Azatutyun Radiosunun sualına cavab olaraq Ermənistan Xarici İşlər Nazirliyinin sözçüsü Vahan Hunanyan Azərbaycan prezidentinin bəyanatını şərh etdi.
Ermənistan Respublikası Xarici İşlər Nazirliyinin sözçüsü qeyd edib ki, UNESCO-nun araşdırma missiyasının dərhal həyata keçirilməsinin zərurəti 2020-ci ildə 44 günlük müharibə nəticəsində, erməni mədəni və dini irsini Azərbaycanın nəzarətində olan ərazilərdə qaçılmaz məhv olmaq təhlükəsindən qorumaq üçün yarandı.
Sözçü vurğuladı ki, Azərbaycan silahlı qüvvələri tərəfindən istər müharibə dövründə, istərsə də atəşkəsdən sonra erməni kilsələrini, digər mədəniyyət və dini abidələri qəsdən məhv etmək və vandalizm halları ilə bağlı çoxsaylı sənədləşdirilmiş hallar mövcuddur.
Hunanyanın sözlərinə görə, Azərbaycan mədəni cinayətləri ört-basdır etmək üçün təşkilatı qərəzdə ittiham etməklə yanaşı, bir müddətdir ki, UNESCO mütəxəssislərinin səfərini əngəlləyir.
Xarici İşlər Nazirliyinin sözçüsü vurğulayır ki, Ermənistan tərəfi missiyanın ən qısa zamanda həyata keçirilməsində maraqlıdır və bu istiqamətdə məqsədyönlü səylər göstərməyə davam edir.
