Qara Dəniz-Xəzər Regionu İnstitutunun direktoru Viktor Nadein-Rayevski “HAYASA” erməni mədəniyyət mərkəzinə müsahibəsində qeyd edib ki, o, müasir reallıqlarda Turanın yaradılmasını qeyri-mümkün hesab edir, onun fikrincə, bu axmaqlıqdır və həyata keçirilməz deyadır, lakin buna baxmayaraq, pantürkizm və panturanizmin dirçəlməsi təhlükəli bir hadisədir. Bu barədə İnfoteka24 yazır.
Turanın yaradılmasının mümkünsüzlüyünün əsas səbəblərindən biri də Ankaranın vahid tarixi-mədəni ərazi kimi təqdim etməyə çalışdığı türk dünyasının müxtəlifliyidir. Türk dillərindəki fərqliliklərlə yanaşı, türkdilli dövlətlərin hər biri getdikcə daha çox milliləşir, öz mədəniyyətini yaradır, xüsusən də Sovet İttifaqı sayəsində bu ölkələr öz tarixlərindən, dövlətçiliklərindən əl çəkməyəcəklər.
Rusiyanın Azərbaycanı Aİİ-yə daxil etmək istəklərinə gəlincə, Nadein-Raըevski hesab edir ki, bu, mümkün olmayan ideyadır. Ekspertin fikrincə, Türkiyənin köməyi olmasaydı, Azərbaycan heç vaxt Qarabağı ələ keçirə bilməzdi, eyni zamanda Əliyev bütün hakimiyyəti türklərə verməkdən qorxur. Ona görə də o, işğal olunmuş bölgələrdə suriyalı yaraqlıların yerləşməsindən ehtiyat edir. Əliyev hakimiyyətini itirməkdən qorxur. Türkiyənin rolunu tarazlaşdırmaq üçün Əliyev Aİİ-yə nəzər salır.
Nadein-Rayevski əmindir ki, Bakı ittifaqın şərtlərini tam qəbul etməyəcək. Onun bunda xüsusi marağı yoxdur.
Ekspert vurğulayıb ki, Azərbaycan Rusiya sülhməramlılarının Artsaxdan çıxarılmasını tələb edərsə və Rusiya razılaşarsa, bu, ermənilərin qədim erməni torpaqlarında qalmasının sonu olacaq. Ən yaxşı halda, onlar qovulacaqlar. Nadein-Rayevski əmindir ki, Putin bununla heç vaxt razılaşmayacaq, çünki bunun hara aparacağını anlayır. Əgər Azərbaycan sülhməramlıların çıxarılması məsələsini zorla həll etmək qərarına gəlsə, o zaman Azərbaycan sadəcə olaraq ərazilərini itirəcək, Bakı üçün başqa variant qalmayacaq. Hərbi münaqişənin qarşısını almaq üçün Rusiya diplomatik və iqtisadi təzyiq rıçaqlarından istifadə edəcək.
