Ermənistan Respublikasının Baş naziri Nikol Paşinyan Yeraşx-Culfa-Ordubad-Meğri-Horadiz dəmir yolunun açılması məsələsinə toxunub.
O qeyd etdi ki, artıq işçi qrup yaradılıb.
“İlkin hesablamalara görə, söhbət təxminən 200 milyon dollar və 5 milyon dollar sərmayə haqqındadır. Bu, Ermənistan üçün çox da ağır deyil, böyük yük deyil, indiki halda bir çox beynəlxalq donorlar çox maraqlıdır. “Cənubi Qafqaz Dəmir Yolu”nun bu barədə nə düşündüyünü hələ başa düşməliyik”,- deyə baş nazir qeyd etdi.
O bildirdi ki, beynəlxalq Avropa şirkətləri də buna maraq göstərirlər.
“Əgər biz ümumilikdə regional kommunikasiyalara, o cümlədən Ermənistan-Türkiyə sərhədinin açılmasına nail ola bilsək, bu o demək olacaq ki, Ermənistan Avropa, Rusiya, İran və Çinlə dəmir yolu əlaqəsi əldə edəcək.
Söhbət Fars körfəzindən Qara dənizə, Yaxın Şərqdən Rusiyaya nəhəng tranzit axınlarından gedir”,- o deyib.
