Boris Conson Nikol Paşinyana təbrik mesajı göndərib

Böyük Britaniya və Şimali İrlandiya Birləşmiş Krallığının Baş naziri Boris Conson iki ölkə arasında diplomatik münasibətlərin qurulmasının 30-cu ildönümü münasibətilə Baş nazir Nikol Paşinyana təbrik məktubunu göndərib.

“Hörmətli Baş nazir,

Yanvarın 20-də Böyük Britaniya və Ermənistan Respublikası diplomatik münasibətlərin qurulmasının 30 illiyini qeyd ediblər. Fürsətdən istifadə edərək, bu əlaqələrin Birləşmiş Krallıq üçün əhəmiyyətini bir daha vurğulamaq istərdim.

Son 30 il ərzində Böyük Britaniya və Ermənistan Respublikası güclü tərəfdaşlığın inkişafı üçün birgə çalışıblar. Bu əlamətdar yubileydə mən Böyük Britaniyanın Ermənistanın beynəlxalq əməkdaşlıq vasitəsilə sülh, sabitlik və firavanlığa nail olmaq səylərinə dəstəyini, eləcə də karbon emissiyalarının azaldılmasına sadiqliyini bir daha təsdiqləmək istərdim.

İqlim dəyişikliyi konfransının 26-cı Sammitində Ermənistan iqlim dəyişikliyinə qarşı qlobal mübarizəyə dəyərli töhfə verib. Böyük Britaniya bu iddialı məqsədlərə çatmaqda sizə yardım etməyə daima hazırdır.

Birləşmiş Krallıq Ermənistan Respublikasının tərəfdaşıdır və bundan sonra da belə olacaqdır. Mən ümidvaram ki, tərəfdaşlığımız gələcək illərdə də inkişaf edəcək” – İngiltərə  Baş nazirinin mesajında ​​deyilir.