Yerevan Azərbaycana qarşı Avropa İnsan Haqları Məhkəməsinə ikinci dövlətlərarası şikayət verib.
Bu barədə Ermənistanın İctimai Televiziyasına müsahibəsində ER-nin BMT-dəki daimi nümayəndəsi Yeqişe Kirakosyan bildirib.
O, qeyd edib ki, şikayət qəbul edilib, dövlət adından daha bir şikayət BMT-nin Beynəlxalq Məhkəməsinə verilib.
Ermənistanın Avropa Şurasındakı nümayəndəsi Arman Xaçatryan da öz növbəsində bildirib ki, dövlətlərarası etirazlarla yanaşı, bir çox vətəndaşlar da AİHM-ə iddialarla müraciət ediblər.
Onun sözlərinə görə, AİHM-in bu ərizələrin bir çoxu ilə bağlı qərarları rəsmi Bakı tərəfindən beynəlxalq norma və hüquqların pozulmasından xəbər verir.
Avropa İnsan Hüquqları Məhkəməsinin bu qərarları fərdlərə xas olmaqla yanaşı, həm də dövlət üçün mühüm əhəmiyyət kəsb edir, belə ki, Azərbaycanda ermənilərə qarşı etnik nifrətin dövlət səviyyəsində təşviq edildiyini göstərir” – deyərək Arman Xaçatryan qeyd edib.
