Gürcüstanın Baş naziri İrakli Qaribaşvili Ermənistan Respublikasına işgüzar səfərə gəlib. Bu barədə Ermənistan Respublikası Baş naziri aparatının İnformasiya və İctimaiyyətlə əlaqələr departamentindən məlumatlandırılıb
Nikol Paşinyan və İrakli Qaribaşvilinin görüşü Dilicanda keçirilib.
İki ölkənin hökumət başçıları qeyd ediblər ki, yüksək səviyyəli intensiv təmaslar Ermənistan-Gürcüstan münasibətlərinin dinamik inkişafından və siyasi dialoqun yüksək səviyyədə olmasından xəbər verir.
Həmsöhbətlər gündəmdəki məsələləri və Ermənistan-Gürcüstan əməkdaşlığının perspektivlərini müzakirə ediblər. Regional vəziyyət və hadisələrlə bağlı fikir mübadiləsi aparılıb.
Tərəflər dostluq əlaqələrini daha da dərinləşdirməyə hazır olduqlarını bir daha təsdiqləyiblər və fəal dialoqun davam etdirilməsi barədə razılığa gəliblər.
