Radar Armenia bu yaxınlarda ATƏT-in Minsk qrupunun həmsədr ölkələrinin ABŞ, Fransa və Rusiyanın ER-dakı səfirliklərinə sorğu göndərərək, Dağlıq Qarabağ münaqişəsindəki mövcud vəziyyətlə bağlı öz fikirlərini bildirmələrini xahiş edib.
İndiyədək sorğuya yalnız ABŞ-ın Ermənistandakı səfirliyi cavab verib. Fransa və Rusiyanın Ermənistandakı səfirlikləri hələlik sorğuya cavab verməyib.
Radar Armenia ABŞ səfirliyindən ATƏT-in Minsk Qrupu həmsədrlərinin Rusiya-Ukrayna münaqişəsi səbəbindən faktiki işləmədiyi halda, onların fəaliyyətini necə təsəvvür etdikləri ilə maraqlanıb.
ABŞ səfirliyi cavab verib: “ABŞ Cənubi Qafqazda sülhün müsbət inkişafını dəstəkləməyə və töhfə verməyə çalışır. Birləşmiş Ştatlar ikitərəfli formatda və həmfikir tərəfdaşlarla, o cümlədən ATƏT-in Minsk Qrupunun həmsədri olaraq Ermənistan və Azərbaycana bütün həll edilməmiş məsələləri həll etməkdə kömək etmək öhdəliyi götürür”.
Radar Armenia Azərbaycanın Ermənistan ərazisindən Naxicevana gedən yolun istədiyininə dair səfirliyin mövqeyini də qoruğub.
“Hələ bir çox məsələlər, o cümlədən regional nəqliyyat marşrutları ilə bağlı məsələlər həllini tapmalıdır. Birləşmiş Ştatlar Ermənistan və Azərbaycan nümayəndələrinin bu və digər məsələlərdə konstruktiv iştirakını alqışlayır”, – səfirlikdən bildiriblər.
Dağlıq Qarabağın gələcək statusu ilə bağlı suala cavab olaraq səfirlik belə cavab verib: “Münaqişənin mühüm aspektləri, o cümlədən Dağlıq Qarabağın statusu həll olunmamış qalır. Biz inanmaqda davam edirik ki, regionda dinc, demokratik, firavan gələcəyin açarı Dağlıq Qarabağ münaqişəsi ilə bağlı həll olunmamış məsələlərin hərtərəfli, davamlı, danışıqlar yolu ilə həllidir”.
Azərbaycan müntəzəm olaraq Dağlıq Qarabağ münaqişəsinin olmadığını, məsələnin həll olunduğunu iddia edir. ABŞ-ın Ermənistandakı səfirliyi həmin mövqe ilə razılaşır, ya yox?
“Biz ATƏT-in Minsk Qrupunun həmsədri kimi Dağlıq Qarabağ münaqişəsinin və ya ondan irəli gələn bütün həll olunmamış məsələlərin hərtərəfli, uzunmüddətli nizamlanması üzrə danışıqlarda Ermənistan və Azərbaycanın səylərini dəstəkləməyə hazırıq”,-səfirlikdən bildirilib.
