Gürcüstan hökuməti yük maşınlarının tranziti zamanı yollardan istifadənin qiymətini 200-dən 350 lariyə (68 dollardan 120 dollara) qaldırmaq qərarına gəlib.
Gürcüstanın qanunvericilik qəzetinin saytında dərc olunan müvafiq qərar iyunun 20-də qüvvəyə minib.
Hökumətin qərarı yalnız yükü dəniz limanından ən yaxın gömrük nəzarəti zonasına 10 kilometr məsafədə və geriyə daşıyan avtomobilləri rüsumdan azad edir.
Gürcüstanın iqtisadi internet nəşri bm.ge Maliyyə Nazirliyinə istinadən qeyd edir ki, hər gün Gürcüstandan 900-dən çox yük maşını keçir.
2021-ci ildə Gürcüstan dəhlizindən 332 min yük maşını istifadə edib ki, bu da dövlət xəzinəsinə 66,4 milyon lari (təxminən 23 milyon dollar) ödəyib. TASS xəbər verir ki, 88 mindən çox yük maşını Ermənistana, 66 367-si Azərbaycana, 41 425-i Türkiyəyə yük daşıyıb.
