Artsaxda köçkünlərin mənzil ehtiyaclarını təmin etmək üçün mənzil kompensasiyasına dair yeni proqram işə salınır

İyunun 20-də Ümumdünya Qaçqınlar Günü münasibəti ilə Artsax Respublikasının dövlət naziri Artak Beglaryan və Ombudsman Geğam Stepanyanın sədrliyi ilə hökumət nümayəndələrinin Məcburi Köçkünlərin və Qaçqınların Hüquqlarını Müdafiə Şurası ilə görüşü təşkil edilmişdir. Bu barədə Artsax Respublikasının Dövlət Naziri Aparatının İnformasiya və İctimaiyyətlə Əlaqələr Şöbəsi məlumat yayıb.

Artak Beglaryan məcburi köçkünlərin və qaçqınların problemlərinin həlli üçün hökumətin bütün orqan və təşkilatlarla əməkdaşlığa hazır olduğunu vurğulayıb.

“Biz köçkünlərin aralıq mənzil ehtiyaclarını ödəməyə kömək edəcək mənzil kompensasiyası üzrə yeni proqrama başlayırıq. Layihə artıq ictimai müzakirəyə çıxarılıb. Təbii ki, bu arada biz benefisiar qrupları ilkin və təkrar bazarlarda mənzillərlə təmin etməkdə davam edirik və yaxın aylarda yüzlərlə yeni ev istifadəyə veriləcək”- deyə dövlət naziri bildirib.

Dövlət orqanlarının, məcburi köçkün və qaçqınların təşkilatlarının nümayəndələrinin fəal iştirakı ilə onların məşğulluğu, sosial və mənzil təminatı, ölkədaxili və beynəlxalq hüquqi məsələlər və bir sıra digər məsələlər ətrafında maraqlı müzakirələr aparılıb.