Parisdə işgüzar səfərdə olan Təhlükəsizlik Şurasının katibi Armen Qriqoryan Minsk Qrupunun fransalı həmsədri Bris Rokko ilə görüşüb.
Ermənistan Təhlükəsizlik Şurasının idarəsindən verilən məlumata görə, görüş zamanı həmsöhbətlər ATƏT-in Minsk Qrupu həmsədrlərinin himayəsi altında Dağlıq Qarabağ münaqişəsinin hərtərəfli və lokal həllinin zəruriliyini müzakirə ediblər.
Armen Qriqoryan həmsöhbətini regional təhlükəsizlik vəziyyəti, mümkün çağırışlar və onların həlli ilə bağlı erməni tərəfinin fikirləri barədə məlumatlandırıb.
Təhlükəsizlik Şurasının katibi həmçinin Rokvoya Ermənistan-Azərbaycan münasibətlərinin normallaşması istiqamətində Brüssel prosesi haqqında məlumat verib.
