İyunun 29-da Ermənistan Respublikasının Parlamentinin sədri Alen Simonyan İsrail Dövlətinin Ermənistandakı fövqəladə və səlahiyyətli səfiri Yoel Lyonu qəbul edib.
Alen Simonyan onu İsrail Dövlətinin Ermənistan Respublikasında fövqəladə və səlahiyyətli səfiri vəzifəsinə təyin olunması münasibətilə təbrik edib, ona səmərəli fəaliyyət arzulayıb.
“Səfirliklər ikitərəfli münasibətlərin gələcək inkişafı üçün təməl daşıdır. Ümidvaram ki, Sizin fəaliyyətiniz Ermənistan-İsrail münasibətləri üçün praktiki əhəmiyyət kəsb edəcək və parlamentlərarası əməkdaşlığın daha da inkişafına töhfə verəcək”,- Alen Simonyan qeyd etdi.
Görüş zamanı parlamentlərarası əlaqələr kontekstində parlament dostluq qruplarının fəaliyyətinə əhəmiyyət verilib.
Tərəflər regionda sabitliyin yaradılması ilə bağlı fikir mübadiləsi aparıblar.
