Almaniyanın ən yaxşı biznes məktəbi Ermənistanda – Matena ilə birgə təhsil proqramı
Nüfuzlu “Financial Times” jurnalının reytinqinə əsasən Almaniyanın ən yaxşı biznes məktəbi olan “ESMT Berlin” Ermənistanda təsis edilmiş “Matena” Beynəlxalq Məktəbi ilə biznes sektorunun liderləri və menecerləri üçün təhsil proqramını birgə həyata keçirəcək.
“ESMT Berlin-Matena” beynəlxalq proqramının başlanğıcı bu ilin payızında veriləcək, burada həm Ermənistandan, həm də dünyanın müxtəlif ölkələrindən idarəetmə və liderlik təhsili ilə maraqlananlar iştirak edə biləcəklər.
“Aparıcı təhsil müəssisələri ilə əməkdaşlıq edərək, Matena Ermənistanda dünya səviyyəli biznes təhsilini təmin edir. Ölkəmiz beynəlxalq yüksək keyfiyyətli təhsillə maraqlananlar üçün regionda ən yaxşı istiqamət ola bilər və olmalıdır”, – “Matena” Beynəlxalq Məktəbinin həmtəsisçisi və direktoru Ruben Hayrapetyan deyir.
Matena artıq Ermənistanda bir sıra beynəlxalq təhsil proqramları həyata keçirir, davamlı olaraq aparıcı tərəfdaşlar və ekspertlər şəbəkəsini genişləndirir.
