Artsaxda Ermənistandan çağırışçılar olmayacaq və müharibə zamanı Müdafiə Ordusuna yardım etmək üçün Artsaxa gedən bölmələrin Ermənistana qayıtması prosesi sentyabrda başa çatacaq. Bunu Ermənistan Respublikasının Təhlükəsizlik Şurasının katibi Armen Qriqoryan “Armenpress” informasiya agentliyinə müsahibəsinə deyib.
“Artsax Müdafiə Ordusuna gəlincə, o, Dağlıq Qarabağda olub və orada qalmaqda davam edir”,- deyə o qeyd edib.
Armen Qriqoryanın sözlərinə görə, Dağlıq Qarabağın təhlükəsizliyinin təmin edilməsi funksiyası keçmişdə də Dağlıq Qarabağın Müdafiə Ordusu tərəfindən həyata keçirilib və bununla bağlı heç nə dəyişməyib. O əlavə edib ki, Rusiya sülhməramlı qüvvələrinin Dağlıq Qarabağda yerləşdirilməsi təhlükəsizliyin təminatı olmalıdır.
Beləliklə, aydındır ki, Artsaxın dövlət, siyasi və güc strukturları ləğv olunmayıb, ona görə də Dağlıq Qarabağın çağırışçıları, əvvəlki kimi, Müdafiə Ordusuna xidmətə çağırılacaqlar.
Armen Qriqoryanın müsahibəsindən əvvəl Azərbaycan prezidenti İlham Əliyev bu ilin altı ayının yekunlarına həsr olunmuş müşavirədə geniş çıxışı zamanı bu mövzuya toxunaraq xüsusilə, Ermənistanı üzərinə düşən öhdəlikləri yerinə yetirməməkdə və Qarabağdan qoşunları çıxarmamaqda ittiham edib. İ.Əliyev çıxışında Rusiyaya qarşı da ittihamlar səsləndirərək vurğulayıb ki, bir neçə ay əvvəl Rusiya Müdafiə Nazirliyinin nümayəndəsi Bakıda söz verib ki, iyun ayına qədər Ermənistan qoşunları Qarabağdan çıxarılacaq.
Əlavə edək ki, hələ iyulun 16-da Ararat Mirzoyan və Ceyhun Bayramov arasında Tbilisidə keçirilən görüşdə Azərbaycanın xarici işlər naziri də mövzuya toxunmuşdu.
Azərbaycanın rəsmi yüksək səviyyədə verdiyi açıqlamalarla yanaşı, Azərbaycan mətbuatında anti-Rusiya vurğulu ekspert qiymətləndirmələrinin də vüsət alması diqqət çəkir.
Diqqətəlayiqdir ki, Azərbaycan mediasında yayılan məlumata görə, “Yeni Müsavat” saytının hərbi mənbələri iyulun 19-da Azərbaycan hərbçilərinin Ağdamda Rusiya sülhməramlılarının karvanını saxladığını, yoxladığını və orada 5 ədəd “Kalaşnikov” avtomatı aşkar etdiyini və karvanı geri göndərdiyini təsdiqləyiblər.
