Amerika Birləşmiş Ştatları Ermənistan və Türkiyənin indiyədək atdığı addımları alqışlayır və hər iki tərəfi irəliləyiş əldə etməyə çağırır. Bu barədə Azatutyun radiosuna müsahibəsində Amerika Birləşmiş Ştatlarının Ermənistandakı səfiri Lin Treysi bildirib.
“Biz həmçinin xüsusi nümayəndələr səviyyəsində yaxşı danışıqların şahidi olduq ki, bu da bəzi sərhəd-keçid məntəqələrinin açılması ilə bağlı razılaşmaların əldə olunmasına səbəb oldu. Birbaşa yük daşımaları ilə bağlı bəzi razılaşmaların olduğunu gördük.
Təfərrüatlar üzərində işləmək lazımdır və düşünürəm ki, biz burada həm Ermənistanı, həm də Türkiyəni irəliləyiş əldə etməyə təşviq etməyə davam edəcəyik və buradakı irəliləyişin son nəticədə Ermənistan-Azərbaycan müzakirələrinə müsbət töhfə verə biləcəyini görəcəyik.”,- deyə Lin Treysi vurğulayıb.
