Berdzor dəhlizinin yeni marşrutu bu il sentyabrın ilk həftəsində istifadəyə veriləcək. Bu barədə jurnalistə müsahibəsində Artsax Respublikasının ərazi idarəetmə və infrastruktur naziri Hayk Xanumyan məlumat verib.
“O vaxta qədər Stepanakert-Berdzor-Qoris avtomobil yolu fəaliyyət göstərəcək. Alternativ marşrut yeni Cənub dəhlizində fəaliyyət göstərəcəkdir.
Yeni yolda hərəkət Rusiya sülhməramlılarının bütün blok-postları yerləşdirildikdən sonra başlayacaq. Həmin müddət ərzində 4,5 kilometrlik müvəqqəti hissə hazır olacaq, bir hissəsi artıq asfaltlanıb və yaxın bir neçə gün ərzində tamamilə başa çatdırılacaqdır.
Sentyabrın ilk həftəsində yeni yolda hərəkətin təşkil olunacağı güman edilir”- deyərək nazir izah etdi.
Onun sözlərinə görə, yeni marşrutun müvəqqəti hissəsi Berdzor, Ağavno və Nerkin Susdan yan keçərək, Ağavnodan təxminən 3 km aralıda Ağavno-Teğ yolu ilə birləşir.
Şöbə müdiri əlavə edib ki, infrastrukturların köçürülməsi prosesi aktiv şəkildə davam etdirilir.
“Rabitə məsələsi artıq həll olunub. Elektrik xətlərinin köçürülməsi üçün vaxt lazımdır və qaz təchizatı baxımından, artıq qeyd etdiyim kimi, başqa həll yolları axtarılmalıdır” – deyərək Hayk Xanumyan bildirib.
Avqustun 25-də Artsax Respublikasının Daxili İşlər nazirliyi Artsaxı Ermənistanla birləşdirən dövlətlərarası avtomobil yolunun Şuşi-Berdzor-Qoris hissəsinin hər iki tərəfdən açıq olduğunu, təhlükəsizliyinin Rusiya sülhməramlıları tərəfindən təmin edildiyini açıqlayıbdır.
