Azərbaycan əsgərləri tərəfindən silahsız erməni hərbi əsirlərin edam edilməsi ilə bağlı son xəbərlər bizi dərindən narahat edir. Bu barədə “Lurer”in sorğusuna cavab olaraq ABŞ-ın Ermənistandakı səfirliyindən məlumat verilib.
“Biz tam və qərəzsiz araşdırmaya çağırırıq. Hər hansı bir vəhşiliyə görə günahkar olanlar məsuliyyətə cəlb edilməlidir”, – deyə səfirliyin cavabında deyilir.
“Azərbaycan onlarla erməni hərbi əsirinin qaytarılması ilə bağlı öhdəliklərini hələ də yerinə yetirmir, bu məsələdə mövqeyiniz necədir?” sualına cavab olaraq ABŞ səfirliyi bildirib:“Keçən ayın hücumu zamanı əsir götürülənlərin, eləcə də bütün digər əsirlərin dərhal və qeyd-şərtsiz geri qaytarılması davamlı sülhün əldə edilməsi istiqamətində mühüm addımdır”.
