Ermənistan iqtisadiyyatında yüksək texnologiyalar sektorunun iştirakı ÜDM-in təxminən 5 faizini təşkil edir, sektor hər il artır və bu il onun ÜDM-də çəkisini daha da artıracağı gözlənilir. Bunu iqtisadiyyat naziri Vahan Kerobyan bildirdi.
“Bu gün iqtisadiyyatımızda yüksək texnologiyalar sektorunun iştirakı ÜDM-in təxminən 5 faizini təşkil edir, bu da kifayət qədər sürətlə artır. Sektor hər il 20-30 faiz böyüyür, bu il biz hesab edirik ki, o, ÜDM-dəki artım çəkisini təxminən 50 faiz artıra bilər.
Hesab edirik ki, 3-4 ildən sonra iqtisadiyyatın ən böyük sahəsinə çevriləcək”,- nazir qeyd etdi.
Nazir bununla da yüksək texnologiyalar sektorunun roluna böyük əhəmiyyət verib.
Sənayedən danışan nazir qeyd etdi ki, emal sənayesi ÜDM-in 16,5 faizini təşkil etməlidir.