Oktyabrın 25-də Artsax Respublikasının Prezidenti Arayik Harutyunyan Martuni rayonunun Çartar şəhərində tikilmiş çoxfunksiyalı idman kompleksinin açılış mərasimində iştirak edib. Çartardakı idman kompleksi “Erməni Kəndlərinin İnkişafı” Fondunun maliyyəsi ilə tikilib. Öz növü və imkanları baxımından Artsaxda unikal olan իdman kompleksinin tikinti işləri 4 il davam edib.
İdman kompleksinin tikintisi Çartardan olan Vladimir Avaqyanın Artsaxdakı növbəti layihəsidir. “Erməni Kəndlərinin İnkişafı” Fondu fəaliyyətinin 10 ilində 10 milyon dollar ianə edərək uşaq bağçalarının, idman kopmlekslərinin tikintisi, yenidən qurulması və təchizatı da daxil olmaqla bir çox həyati əhəmiyyətli layihələr həyata keçirib.
Rusiyada yaşayan xeyirxah Vladimir Avaqyanın bircə arzusu var. Artsaxda sülh olsun, Çartar sakinləri də öz vətənində yaşasınlar.
Çoxdan gözlənilən kompleksin açılışı münasibətilə Rusiya Erməniləri İttifaqının Krasnodar vilayətinin nümayəndələri Çartar sakinlərini təbrik etməyə gəliblər.
Prezident Arayik Harutyunyanın rəhbərliyi ilə qonaqlar yeni tikilmiş idman kompleksinin imkanları ilə tanış olublar.
Qeyd edək ki, illər əvvəl “Erməni Kəndlərinin İnkişafı” Fondunun təsisçisi Vladimir Avaqyanın himayəsi ilə Çartarda kilsə və uşaq bağçası tikilib, qəzalı vəziyyətdə olan binalardan biri də bərpa olunaraq müasir mərasim evinə çevrilib.
