KTMT Ermənistana kömək üçün kompleks tədbirlər, o cümlədən vəziyyəti qiymətləndirmək üçün Azərbaycanla sərhədə missiya göndərməyi təklif edib.
Bu haqda KTMT-nin baş katibi Stanislav Zas Belarusun ONT telekanalına müsahibəsi zamanı deyib.
“Vəziyyət adi deyil, xüsusən də Ermənistan və Azərbaycan sərhədində demək olar ki, hər gün atışmalar baş verir”- deyə Zas bildirib.
“KTMT Ermənistana həm siyasi-diplomatik, həm də hərbi yardım üçün müxtəlif vasitələr, o cümlədən vəziyyəti real qiymətləndirmək üçün sərhədə missiya göndərməyi təklif edib. Onlar ümumilikdə bütün dövlətlər tərəfindən dəstəklənib”.
Zassın sözlərinə görə, əldə edilə bilməyən yeganə şey vəziyyətin konsolidasiya edilmiş qiymətləndirilməsi olub.
