BaşlıcaİdmanSiyasət

Armen Hovhannisyan: “Brüssel görüşü baş tutacaq, Azərbaycan ABŞ və AB-nin rəyinə məhəl qoymaya bilməz”

Politoloq Armen Hovhannisyanın sözlərinə görə, Ermənistan və Azərbaycan liderlərinin dekabrın 7-də Brüsseldə keçirilməsi planlaşdırılan görüşü baş tutacaq.

Hovannisyan Faktor TV-yə müsahibəsində tarixin dəyişə biləcəyi, lakin istənilən halda görüşün baş tutacağı ilə bağlı fikirlərini bildirir.

Bu günlərdə İlham Əliyev dekabrın 7-də Brüsseldə keçirilməsi nəzərdə tutulan görüşün baş tutmayacağını açıqladı, çünki Bakının məlumatına görə, Ermənistanın Baş naziri Fransa Prezidenti Emmanuel Makronun həmin tədbirdə məcburi iştirakı məsələsini qaldırır.

 “Bu, o deməkdir ki, görüş baş tutmayacaq” – deyən Azərbaycan prezidenti Fransanın anti-Azərbaycan qərəzli mövqeyinə görə Ermənistan-Azərbaycan sülh prosesində iştirak edə bilməyəcəyini bildirib. Bu açıqlamaya dünən Ermənistanın Xarici işlər nazirliyi cavab verib.

Ermənistanın Xarici işlər naziri dünən bu açıqlamaya cavab olaraq bildirib ki, Pahada keçirilən dördtərəfli görüş zamanı növbəti görüşlə bağlı razılıq əldə olunub və Ermənistan tərəfi həmin razılaşmaya sadiq qalmağa davam edir.

“Azərbaycan növbəti görüşə razılıq verib. Ermənistan və Azərbaycana görüşmək üçün təzyiqlər var. Dördtərəfli format ABŞ-ı tam qane edir və bu, onun dördtərəfli görüşlərin arxasında duran beşinci tərəf olduğunu göstərir” – deyə politoloq qeyd edib.

Armen Hovhannisyan hesab edir ki, Azərbaycan ABŞ və Avropa Birliyinin rəyinə məhəl qoymaya bilməz. Mətn faktr.am-ə məxsusdur.

Daha çox göstər
Back to top button