Kollektiv Təhlükəsizlik Müqaviləsi Təşkilatının baş katibi Stanislav Zas sentyabrın 13-də Ermənistan-Azərbaycan sərhədində keçirilən hərbi əməliyyata və təşkilatın cavabına toxunub. O qeyd etdi ki, KTMT bu istiqamətdə sürətli və səmərəli iş gördü, bir sıra mühüm qərarlar qəbul etdi.
“KTMT-nin Kollektiv Təhlükəsizlik Şurasının iclası təcili məsələlərin müzakirəsi üçün 5 dəfə çağırılıb. Bu, təşkilatımızın tarixində ilk dəfədir. Ermənistan Respublikasının baş naziri Nikol Paşinyanın xahişi ilə üç dəfə iclas çağırılıb. KTMT Kollektiv Təhlükəsizlik Şurasının növbədənkənar sessiyalarında Ermənistan-Azərbaycan sərhədindəki vəziyyət müzakirə olunub”,- deyə o vurğuladı.
Stanislav Zasın sözlərinə görə, sentyabrın 13-də, Ermənistan və Azərbaycan sərhədində şiddətli döyüşlərin getdiyi gün KTMT-yə üzv dövlətlərin rəhbərləri onlayn formatda vəziyyəti müzakirə ediblər.
“Ermənistana dərhal monitorinq missiyasının göndərilməsi qərara alındı. Sözün əsl mənasında bir gün sonra monitorinq missiyasının birinci qrupunun təyyarəsi Yerevana enib. Və sonrakı tədqiqatlar göstərir ki, biz tez və səmərəli hərəkət etməyimiz lazım olan yerdə işləyə bilərik. Həmin missiyanın fəaliyyəti nəticəsində Ermənistan Respublikasına müasir yardım vasitələri ilə bağlı Kollektiv Təhlükəsizlik Şurasının bir sıra qərarları hazırlandı, bu qərarlar bu il noyabrın 23-də Yerevanda keçirilən Kollektiv Təhlükəsizlik Sessiyasında müzakirə olunub”,- Zas deyib.
