Ermənistanın beynəlxalq hüquqi məsələlər üzrə nümayəndəliyi bildirir ki, Azərbaycan tərəfindən Bern Konvensiyasına əsaslanan hüquqi prosesin başlanması ilə bağlı Ermənistan məlumatlandırılıb.
“2023-cü il yanvarın 18-də Azərbaycan Respublikası tərəfindən Ermənistan Respublikasına qarşı “Avropa Vəhşi Təbiətin və Ətraf Mühitin Mühafizəsi haqqında” Bern Konvensiyası çərçivəsində Ermənistan Respublikasına qarşı arbitraj prosesinin başlanması ilə bağlı Ermənistana bildiriş göndərilib.
Ermənistan Respublikası təəssüf edir ki, Azərbaycan belə bir sənəd əsasında hüquqi prosesə başlamaq qərarına gəlib, onun əsas məqsədi “vəhşi flora və faunanın və onların təbii yaşayış mühitinin qorunmasına” yönəlmiş dövlətlər arasında əməkdaşlığın təşviqidir”. Ermənistan Bern Konvensiyasının monitorinqi və digər qurumlarla birgə fəaliyyəti də daxil olmaqla, dəfələrlə regionun canlı təbiətinin və ətraf mühitin mühafizəsinə sadiqliyini təsdiqləyib.
Ermənistanın ətraf mühitin mühafizəsi üzrə beynəlxalq reytinqin özü də buna sübutdur. Ermənistan Azərbaycanın hüquqi mübahisə formasında qaldırdığı məsələlərin Bern Konvensiyasının məqsədləri ilə heç bir əlaqəsi olmadığından və regionun Azərbaycanın son illərdə apardığı təcavüzkar müharibələr nəticəsində zərər çəkmiş ətraf mühitinə zərərli təsir göstərə biləcəyindən narahatdır”.
