Azərbaycanın Artsax xalqına qarşı davam edən təcavüzünə cavab olaraq bir sıra qeyri-hökumət təşkilatları və fəallar yanvarın 27-də ABŞ Konqres binasının yaxınlığında toplaşaraq “Qarabağı xilas edək” koalisiyasının başlandığını elan edəcəklər.
Koalisiya təkibinə Konqres üzvləri, erməni icmasının nümayəndələri, QHT-lər və Artsax ermənilərinin taleyindən narahat olan dini liderlər daxil olacaq. Azərbaycan hökuməti dekabrın 12-dən başlayaraq Artsax Respublikası ilə 120 min erməni xristianı Ermənistan və xarici dünyaya birləşdirən yeganə yol olan Laçin dəhlizini bağladı.
“Qarabağı xilas edək” koalisiyasının üzvləri mühasirədə olan Artsax xalqı ilə həmrəy olduqlarını bildirir.
Koalisiya ABŞ hökumətini Dağlıq Qarabağın erməni əhalisini qorumaq üçün bütün lazımi tədbirləri görməyə, blokadanın aradan qaldırılması üçün Azərbaycana qarşı iqtisadi təzyiq göstərməyə çağırır.
Daha sonra Azərbaycanın Vaşinqtondakı səfirliyi yaxınlığında etiraz aksiyası keçiriləcək.
