EİD: “ABŞ-da ermənilərə qarşı nifrət təbliğ edən flayerlər cəmiyyətimizi qorxutmayacaq”
Ermənilərə qarşı nifrət təbliğ edən flayerlər erməni ictimaiyyətini qorxutmayacaq. Bu haqda NEWS.am ilə söhbətində ABŞ-ın Qərb bölgəsi Erməni İnqlab Daşnaktyutyun Bürosunun gənc üzvü Ani Ğazaryan bildirib.
Qeyd edək ki, ABŞ-ın şəhərlərindən biri olan Beverli Hillsdə işıq dirəklərində ermənilərə qarşı nifrət təbliğ edən vərəqələr asılmışdı və orada belə yazılmışdı:
“Azərbaycan+Türkiyə+Pakistan+İsrail = Ermənistanı xəritə üzərindən 4 qardaş siləcək: İnşallah”.
Ani Ğazaryan şəhərdə 20-yə yaxın belə vərəqə gördüklərini və onları toplayıb polisə apardıqlarını deyib. Polis faktla bağlı araşdırma aparır.
Ani Ğazaryanın sözlərinə görə, bu hadisə birinci dəfə deyil. “Beləliklə, onlar erməni icmasını qorxutmağa çalışırlar, lakin bu plakatlar bizi qorxutmayacaq və erməni xalqının səsini eşidilməyə bilməz”.
O, bildirib ki, erməni icmasının etirazları davam edəcək. “Biz Artsax yolunun açılması tələbimiz haqqında danışmağa davam edəcəyik”.
Qeyd edək ki, Beverli-Hillz şəhərinin meri Lil Bosse bu flayerlərin yayılmasını pisləyib və şəhərin polis idarəsi La Cienega və Wilshire bulvarları ətrafında quraşdırılmış müşahidə kameralarının videoyazılarını öyrənib, günahkarları axtarır.
