Azərbaycanın təcavüzünün nəticələrini öz gözlərimlə görmək üçün Ermənistanın cənub rayonlarında oldum. Bu barədə NATO-nun keçmiş baş katibi, “Rasmussen Global” beynəlxalq siyasi məsləhətçi təşkilatının təsisçi prezidenti Anders Foq Rasmusen dünən Cermukda keçirdiyi mətbuat konfransında bildirib.
“Mən gözəl Cermukda oldum və mer mənə azərbaycanlıların hücumlarının şəhərin turizminə necə mənfi təsir göstərdiyini söylədi. Daha əvvəl mən Qarabağla Ermənistanı birləşdirən yeganə halqa olan Laçın dəhlizində oldum. Ötən ilin dekabrında Qarabağ ermənilərini Ermənistanla birləşdirən yeganə yol bağlanıb. Laçın dəhlizinin blokadası qanunsuz və qeyri-insanidir”, – deyə Anders Foq Rasmussen bildirib.
“Mən Dağlıq Qarabağda yaşaymış insanlarla görüşdüm və onlar Dağlıq Qarabağda hökm sürən böhranlı vəziyyətdən danışdılar. Blokada o deməkdir ki, DQ-a yalnız çox cüzi miqdarda ərzaq və ya dərman verilə bilər ki, bu da DQ-da qida çatışmazlığı və ya həyat qurtaran dərmanların olmaması deməkdir. Bu, humanitar fəlakətə çevrilə biləcək humanitar böhrandır. Bu blokada qanunsuzdur”, – deyə Rasmusen bildirib.
O xatırladıb ki, bir neçə həftə əvvəl Beynəlxalq Ədalət Məhkəməsi Azərbaycanı Laçın dəhlizi ilə maneəsiz hərəkəti və Dağlıq Qarabağa girişi təmin etməyə məcbur edən qərar qəbul edib.
