Syunik bölgəsinin qubernatoru Robert Ğukasyan bildirir ki, Teğ kəndi ərazisində irəliləyən Azərbaycan silahlı qüvvələri gəldikləri yerə geri qayıtmalıdırlar.
“Armenpress”in məlumatına görə, bu barədə Syunik bölgəsinin qubernatoru parlamentdə jurnalistlərlə keçirdiyi brifinqdə bildirib.
Azərbaycanın irəliləməsi nəticəsində əkin sahələrini və otlaq sahələrini itirən Teğ kənd sakinləri barədə danışan qubernator bildirib ki, bu gün ərazilərinə çıxa bilməyən insanlara builki reallaşdırılmamış gəlirlər üçün dəstək veriləcək. “Mən əminəm ki, Azərbaycan gəldiyi yerə geri qayıtmalıdır”, – deyə qubernator bildirib.
O, Azərbaycan SQ-nin geri qayıtması ilə bağlı sualı cavablandırarkən, onların bəzi yerlərdən geri çəkildiyini bildirib, lakin hansı yerlərdən, neçə metr olduğunu deyə bilməyəcəyini qeyd edib.
“Azərbaycan suveren ərazimizdən çıxmalıdır. Bu, birmənalı mövqedir”, – deyə Ğukasyan bildirib.
Qubernator onu da bildirib ki, son iki həftə ərzində bölgədə heç bir sərhəd hadisəsi qeydə alınmayıb.
Robert Ğukasyan bildirib ki, Ermənistan və Azərbaycan tərəfləri sərhəddə mühəndis işləri aparır.
