Gözlənildiyi kimi, Azərbaycan ermənilərin yaşadığı Qarabağı tam şəkildə qaytarmaq üçün Xorvatiyanın “Qasırğa” əməliyyatının öz versiyasını həyata keçirir. Bu barədə Cənubi Qafqaz üzrə ekspert Lourens Broers özünün X mikrobloqunda yazıb.
“Bizə Stepanakertdə və digər yerlərdə dron və artilleriyadan zərbələrin endirilməsi barədə məlumat gəlir.
Bu hücum bölgənin 9 aylıq mühasirəsindən sonra həyata keçirilib. Mühasirənin vəhşiliyi iyunun ortalarından daha da güclənib. Qarabağın erməni əhalisi fiziki cəhətdən zəifləyib, ərzaq və dərman vasitələri, təcili yardım maşınlarının hərəkəti üçün yanacaq çatışmır.
Humanitar nəticələri proqnozlaşdırmaq çətindir, çünki onlar döyüşlərin miqyasından asılıdır, lakin istənilən ssenaridə dəhşətli olacaq”.
