ER Parlamentinin sədri Alen Simonyan sentyabrın 25-də ABŞ senatoru Geri Pitersi qəbul edib. Parlament sədri Robert Menendez, ABŞ Senatının Xarici Əlaqələr Komitəsinin sədri Geri Piters və bir sıra digər senatorların sentyabrın 21-də Senata təqdim etdikləri “Azərbaycan təcavüzünə qarşı ermənilərə dəstək” qanunvericilik aktı layihəsini alqışlayıb və onun qəbul ediləcəyinə ümid etdiyini bildirib.
Parlamentdən NEWS.am-a istinadən xəbər verir ki, BMT Təhlükəsizlik Şurasının sentyabrın 21-də Nyu-Yorkda keçirilən təcili sessiyasına toxunan Ermənistan Respublikası Parlamentin sədri ABŞ-a dəstək çıxışına görə təşəkkür edib və hazırkı situasiyada Azərbaycana qarşı sanksiyalar da daxil olmaqla beynəlxalq tərəfdaşlar tərəfindən effektiv və aydın addımların atılmasının vacibliyini vurğulayıb.
Görüşdə Azərbaycanın sentyabrın 19-da törətdiyi növbəti irimiqyaslı hücumun təfərrüatları və nəticələri müzakirə olunub. Senator Vayots Dzor və Syunik bölgələrinə səfərindən məlumat verib. O, Dağlıq Qarabağdakı humanitar vəziyyəti pisləyib, erməni xalqını dəstəklədiyini bildirib. Geri Piters ABŞ-ın Ermənistanın ərazi bütövlüyünü dəstəklədiyini bir daha təsdiqləyib.
