Aydın məsələdir ki, rusiyalı tərəfdaşlarımızın son günlər və həftələrdə verdiyi bəyanatlar birbaşa Ermənistanın daxili işlərinə müdaxilədir, xüsusən də dövlət televiziyası və bəzi media xadimlərinin tez-tez Rusiyanın rəsmi mövqelərini ifadə edən çıxışları, birbaşa Ermənistan vətəndaşlarını Ermənistan hakimiyyətinə qarşı çıxmağa çağırır.
Bu barədə “Azatutyun”la söhbətində parlamentin hakim “Mülki müqavilə” fraksiyasının deputatı Sargis Xandanyan bildirib.
“Həmçinin rəsmi dairələrdən, xüsusən də Dövlət Dumasının deputatlarından və s.-dən Ermənistanın dövlətçiliyinin ləğvi və digər bu kimi proseslərdən danışan bəyanatlar verilir ki, bu da qəbuledilməzdir.
Bizim tərəfdaşlarımızdan gözləntimiz əməkdaşlıq etmək və Ermənistanın daxili işlərinə qarışmamaq və müttəfiqlik öhdəliklərini yerinə yetirməkdir, lakin təəssüf ki, son hadisələr bunun əksini sübut edir”, – deyə o əlavə edib.
