Kaliforniyadakı ermənilər Los-Ancelesdə Respublikaçıların debatının keçirildiyi binanın yaxınlığında etiraz aksiyası keçiriblər

Kaliforniyadakı ermənilər Respublikaçılar Partiyasının namizədlərinin debatının keçiriləcəyi Los-Ancelesdəki Ronald Reyqan Kitabxanası qarşısında etiraz aksiyası keçiriblər. Bunu sosial şəbəkələrdə aksiyanın videosunu yayımlayan Ermənilərin Gənclər Federasiyası təşkil edib.

Aksiya iştirakçıları Amerika hakimiyyətindən Dağlıq Qarabağ ermənilərinə qarşı törədilən cinayətlərə şərik olmamağı tələb ediblər.

“Əliyev və Ərdoğan terrorçudur. Co Bayden susması ilə Dağlıq Qarabağda ermənilərin davam edən soyqırımına şərik olur. Respublikaçılar, danışmaq vaxtıdır. Soyqırımı dayandırın”, – aksiya iştirakçıları deyiblər.

Fəallar kitabxana binasının yaxınlığında bir neçə saat vaxt keçiriblər.