“The Guardian”: “Əliyev AB və ABŞ-ın qəzəbinə səbəb olub. DQ-da hökm sürən vəziyyət, Qərbi Azərbaycanla münasibətlərə yenidən baxmağa vadar edir”
“The Guardian” yazır ki, Dağlıq Qarabağdan olan minlərlə erməninin kütləvi köç nəticəsində evlərini tərk etmək məcburiyyətində qalması ilə bağlı dramatik görüntülər yayılsa da, Qərbdə bəziləri Azərbaycanla münasibətlərinə yenidən baxmağa başlayıblar.
Media orqanı qeyd edir ki, bacarıqlı diplomatiya və lobbiçilik qarışığı sayəsində sərvətlərlə zəngin Azərbaycan illərdir özünü Böyük Britaniya və AB-yə etibarlı təhlükəsizlik tərəfdaşı və mühüm nəqliyyat qovşağı kimi təqdim edib.
Lakin Dağlıq Qarabağa hərbi hücuma başlamaq və qaçqınların bölgəni tərk etməsi nəticəsində humanitar fəlakətə səbəb olmaqla Azərbaycan prezidenti İlham Əliyev AB və ABŞ-ın qəzəbinə səbəb olub.
Adının açıqlanmasını istəməyən Bakıdakı yüksək rütbəli Qərb diplomatı deyib: “Böhran və insan iztirablarının qarşısı alına bilərdi və alınmalı idi. Azərbaycanla həmişəki kimi işləmək bizim üçün çətin olacaq”.
“Brüsseldə və Vaşinqtonda bir çoxları Azərbaycanın güc tətbiq etməsindən sonra özlərini şokda və xəyanətdə hiss edirlər” – deyə Carnegie Europe analitik mərkəzinin baş elmi işçisi Tomas de Vaal bildirib.
O qeyd edib ki, Qərb rəsmiləri hesab edir ki, regionda yerləşdirilmiş 2000 rus sülhməramlısının hərəkətsizliyi Moskva ilə Bakı arasında tərəflər arasında razılığın əldə olunduğunu deməyə əsas verir və onların hər ikisi Ermənistanın Baş naziri Nikol Paşinyanı günahlandırır.
Onun sözlərinə görə, Bakının həqiqətən nə qədər vacib və etibarlı olduğuna yenidən baxılır. Media Bakının kürü diplomatiyasını və Avropa Komissiyasının sədri Ursula fon der Leyenin Azərbaycanın “vacib” və “etibarlı” enerji təchizatçısı olması barədə bəyanatını da xatırladır.
Lakin ekspertlər iddia edirlər ki, Bakı Avropanın Azərbaycanın enerji resurslarından asılılığını çox şişirdir. Xarici Siyasət Tədqiqat İnstitutunun üzvü Maks Hess, “Azərbaycan qaz tədarükünə təsirini həddən artıq qiymətləndirir
Bəzi Qərb rəsmiləri Dağlıq Qarabağdakı əməliyyatdan sonra Azərbaycana qarşı sanksiyalar məsələsini də müzakirə edirlər.
Avropa Parlamentinin xarici əlaqələr komitəsinin sədri Devid Makallister bildirib ki, əgər Qarabağ ermənilərini öz evlərindən çıxarmaq cəhdləri olarsa, AB ciddi nəticələr verməlidir.
Ermənistanın Qoris şəhərinə səfəri zamanı ABŞ-ın Beynəlxalq İnkişaf Agentliyinin rəhbəri Samanta Pauer də mümkün sanksiyalara eyham vuraraq, “bir sıra variantların müzakirə edildiyini” bəyan edib”.
Mətn factor.am-ə məxsusdur.
