Xarici turistlər Ermənistana hər səfər üçün təxminən1200 dollar xərcləyirlər

Xarici turistlər Ermənistana hər səfərə təxminən 1200 dollar xərcləyirlər. Bu barədə iqtisadiyyat naziri Vahan Kerobyan bildirdi.

Nazir onların səfərlərinin orta müddətini qeyd etməyib.

“Həmin 1200 dollardan büdcəyə bir nəfərdən təxminən 110 dollar gəlir. İndiki məzənnə ilə 44 min dramdır. Başqa sözlə, 2023-cü ildə təxminən 100 milyard dram axını gözləyə bilərik”, – nazir deyib.

Onun fikrincə, 2026-cı ildə xarici turistlərin sayında əhəmiyyətli artım (2,5 milyona qədər) gözlənilir.

“2023-cü ildə respublika artıq bu göstəriciyə yaxınlaşıb”, – nazir qeyd edib.