Noyabrın 29-da Ermənistanda üçgünlük səfərdə olan Litva parlamentinin Litva-Ermənistan dostluq qrupunun üzvləri ER parlamentinin Ermənistan-Litva dostluq qrupunun rəhbəri Arsen Torosyanın müşayiəti ilə Ermənistanda Ararat bölgəsinin Yerasx icmasının sərhəd rayonlarında olublar.
Bu barədə parlamentin mətbuat xidməti məlumatlandırıb.
Deputatları Avropa Birliyinin müşahidə missiyasının nümayəndələri qarşılayıblar. AB müşahidəçiləri Yerasxın sərhəd rayonlarında vəziyyəti Litvalı deputatlara təqdim ediblər.
Müşahidəçilər qonaqları Ermənistan-Amerika sərmayəsi ilə metal əritmə zavodunun tikintisi planlaşdırılan hissəyə qədər müşayiət ediblər.Qeyd edək ki, Azərbaycan silahlı qüvvələrinin atəşə tutması ilə əlaqədar zavodun tikinti işləri dayandırılıb.
Xatırladaq ki, AB-nin mülki müşahidə missiyası 2023-cü il fevralın 20-də Ermənistanda yerləşdirilib. AB-nin Ermənistandakı müşahidə missiyasının mandatı Ermənistan-Azərbaycan sərhəd rayonlarında baş verən hadisələri müşahidə etmək və hesabat verməkdən ibarətdir.
