Ermənistan Parlamentinin sədri Alen Simonyan Azərbaycanın Qərb platformalarında danışıqlardan yayınmasına toxunub.
“Armenpress”in məlumatına görə, Parlamentdə jurnalistlərlə söhbətində Simonyan əmin edib ki, danışıqların hansı platformada getməsinin Ermənistan üçün heç bir əhəmiyyəti yoxdur, önəmli olan odur ki, fəal platforma olsun, Azərbaycan bunu çox gözəl bilir.
“Niyə beynəlxalq platformalara gəlmir, çünki hesab edirəm ki, aparılan etnik təmizləmə, iş tərzi, beynəlxalq tərəfdaşların gördüyü iş tərzi Azərbaycanı kifayət qədər çətin vəziyyətə salıb, bu, faktdır. Bu bir faktdır ki, mənim hesablamamla Azərbaycan beynəlxalq tərəfdaş kimi özünü kifayət qədər yanlış və pis aparıb. Mənə görə, indi beynəlxalq platformalardan qaçmalarının səbəbi də budur. Artıq hamı Ermənistan və Azərbaycan tərəfləri arasında fərqi bilir və görür”, – Simonyan bildirib.
Parlamentin sədri suala toxunaraq bildirib ki, belə olan halda Rusiya Azərbaycanın iş və davranış tərzini görməyib. “Rusiyanın reaksiyası daha çox vəziyyəti öz əlində saxlamağa çalışmaq versiyasına bənzəyir, vəziyyəti uzun müddət əvvəl buraxdığını dərk etmir. Ən parlaq misal odur ki, 15 yerdən Dağlıq Qarabağa hücum edilir, Rusiya Xarici İşlər Nazirliyi bəyanatla Ermənistan və Azərbaycana çağırış edir. Siyasi platformalarda tez-tez təmasları və münasibətlərdəki gərginliyi azaltmaq üçün ikili standartların olmasının səbəbi də budur. Rusiya regionda 9 noyabr sənədinin nə tərəfdaşı, nə də qarantı kimi öz funksiyalarını yerinə yetirməyib. Sülhməramlılar nə edirdilər, erməniləri Artsaxdan çıxarırdılar?
Simonyan 19 sentyabr hadisələrindən sonra Dağlıq Qarabağda həlak olan rus hərbçilərinə görə təəssüfləndiyini vurğulayıb. Lakin o, onu da əlavə edib ki, bu hərbçilər hərbi əməliyyatlar başa çatdıqdan 2-3 saat sonra həlak olublar. Sülhməramlılar Dağlıq Qarabağda heç nə etməyiblər”, – deyə Alen Simonyan bildirib.
