Ermənistan parlamentinin hakim “KP” fraksiyasının deputatı Babken Tunyanın Ukrayna Prezidenti Vladimir Zelenskinin Ermənistana mümkün səfəri barədə məlumatı yoxdur.
Bu barədə Tunyan parlamentdə jurnalistlərlə söhbətində bildirib.
“Mənim deputat, fraksiya üzvü kimi bu barədə məlumatım yoxdur. Fraksiyanın digər üzvlərini də güman edirəm həmçinin məlumatları yoxdur” – deyə Tunyan bildirib.
Zelenskinin səfərini gözlənilən hesab edirmi sualına Tunyan cavab verib ki, bu barədə düşünməyib – Amma mən də belə düşünmürəm.
Deputat mümkün səfərin müsbət və ya mənfi olacağını qiymətləndirməkdən yayınıb. “Axı Ukrayna Prezidenti ölkənin seçilmiş lideridir. Və digər ölkələrin liderləri kimi, xüsusi qadağa olmasa, Ermənistana səfər edə bilər” – deyə o, bildirib.
Mümkün səfərdə anti-Rusiya tonu görüb-görmədiyini soruşduqda, Tunyan deyib ki, əslində hər şeydə anti-Rusiya çalarları axtarmaq olar.
Həmin anda mümkün səfərlə bağlı rəsmi açıqlama verilmədiyindən deputat başqa şərh verməyib.
Mətbuatda Ukrayna prezidenti Vladimir Zelenskinin martdaYerevana və Bakıya səfər edəcəyi barədə məlumat yayılıb. Qeyd olunur ki, Ermənistana səfər yəqin ki, martın 4-də baş tutacaqJurnalistin sualına cavab olaraq ER Xarici işlər nazirliyi yayılan xəbərlərə cavab verib və qeyd edib ki, yüksək səviyyəli səfərlər barədə rəsmi məlumat verilir.
