“Qardman-Şirvan-Naxicevan” Ümumerməni Birliyi bəyanatında Azərbaycanın BMT-yə üzvlüyünün 32-ci ildönümünə toxunaraq qeyd edib ki, Birləşmiş Millətlər Təşkilatına üzvlüyünə qəbul meyarları üzv dövlətlərdən BMT Nizamnaməsinə və BMT-nin qəbul etdiyi bütün konvensiya və qərarlara ciddi əməl etmələrini tələb etsə də, Azərbaycan öz hərəkətləri ilə onları kökündən pozmaqdan çəkinmədi.
Bəyanatda həmçinin deyilir: “Xüsusən, BMT Nizamnaməsinin 6-cı fəslinin 33-cü maddəsində qeyd olunur ki, mübahisənin tərəfləri, əgər onun davam etməsi beynəlxalq sülh və təhlükəsizliyə təhlükə yarada bilərsə, ilk növbədə onu danışıqlar və digər dinc vasitələrlə həll etməyə çalışmalıdırlar. Son onilliklər ərzində məhz Azərbaycan döyüşkən və düşmənçilik ritorikasını inkişaf etdirib, bunun praktiki ifadəsi birinci Qarabağ müharibəsinin qızışdırılması, eləcə də 2016-cı ildə atəşkəsdən sonra vaxtaşırı sərhəd eskalasiyası, 2020-ci ilin dörd günlük müharibəsi, 2023-cü ilin 19-20 sentyabr müharibəsi olub.
Üç onillik ərzində Azərbaycan üç müharibəyə başlayıb, dinc danışıqlar prosesindən əl çəkib, hərbi büdcəni və silahlanma həcmini artırıb, aqressiv ekspansionist ritorikanı inkişaf etdirib, hətta müharibəyə siyasi missiya kimi inamını belə gizlətməyib.
Azərbaycanın bu cür davranışı və beynəlxalq hüquqa və onu dəstəkləyən strukturlara və qurumlara qarşı bu hörmətsizliyi beynəlxalq hüququn reallaşdırılması imkanları ilə mövcud reallıqlar arasında dərin uçurum yaradır ki, bu da bir tərəfdən qlobal müharibələrin yaratdığı beynəlxalq hüquq sisteminin əsaslarını zəiflədir, digər tərəfdən isə həm regionumuzun, həm də dünyanın sülhü və sabitliyinə təhlükə yaradır.
Biz beynəlxalq qurumları müəyyən etdikləri qaydaların tətbiqi ilə bağlı diqqətli olmağa və uzunmüddətli dəyərləri üçün müvafiq filtrləmə mexanizmlərini işə salmağa çağırırıq”.
