NATO-nun baş katibi Yens Stoltenberqi və onun nümayəndə heyətini Ermənistanda qəbul etməkdən şadıq. Bu, NATO-nun baş katibi vəzifəsində Ermənistana ilk səfərinizdir, həm Ermənistan-NATO əməkdaşlığı, həm də regional və qlobal sabitlik və təhlükəsizlik məsələləri ilə bağlı fikir mübadiləsi aparmaq üçün yaxşı fürsətdir. Bu barədə martın 19-da Yerevanda ER baş naziri Nikol Paşinyan NATO-nun baş katibi Yens Stoltenberqlə birgə mətbuat konfransında bildirib.
Paşinyan xüsusilə qeyd edib: “Biz mövcud siyasi dialoqun davam etdirilməsində və inkişaf etdirilməsində, alyansla, eləcə də ayrı-ayrı üzv dövlətlərlə tərəfdaşlığın genişləndirilməsində maraqlıyıq. Ümid edirik ki, Ermənistan-NATO əməkdaşlığının yeni formatına fərdi şəkildə uyğunlaşdırılmış tərəfdaşlıq proqramı tezliklə təsdiqlənəcək.
Regionumuzda baş verən proseslər fonunda Ermənistanın müqavimətini gücləndirməsi və müvafiq müdafiə qabiliyyətini inkişaf etdirməsi son dərəcə vacibdir.
Biz həmçinin Ermənistanın sülhməramlı əməliyyatlarda iştirakına böyük əhəmiyyət veririk və bunu beynəlxalq sülhün və təhlükəsizliyin təmin olunmasına mühüm töhfə hesab edirik.
Ermənistanın sülhməramlı bölməsi Kosovo missiyasına töhfə verməkdə davam edir və bildiyiniz kimi, 2023-cü ilin iyulunda Kosovoda vəziyyət bir qədər qeyri-sabit olanda Ermənistan sülhməramlı bölməsinin şəxsi heyətini əlavə 17 hərbçi ilə artırıb.
Parlament sahəsində də səmərəli dialoq aparılır, çünki parlamentarilərimiz NATO PA-nın iclas və seminarlarına cəlb olunur.
Ermənistan regionallaşma siyasətinə sadiq qalmaqda davam edir. Gürcüstan və İranla xüsusi əlaqələrimiz son dərəcə vacibdir və əməkdaşlığımızın heç biri öz regionumuza qarşı yönələ bilməz”.
