Ermənistan Parlamentinin sədri Alen Simonyanın anti-Rusiya bəyanatlarına toxunan Rusiya Federasiyası Federal Şurasının məktubuna cavab verib. Alen Simonyan mayın 6-da Parlamentdə jurnalistlərlə söhbətində qeyd edib.
“Məktub Sargis Xandanyana göndərilib və Sargis Xandanyan həmin məktuba çoxdan, bir-iki gündən sonra cavab verib. Sadəcə, həmin an Zaxarova xanıma belə reaksiya vermək, digər tərəfə reaksiya verməmək rahat idi”, – deyə Alen Simonyan bildirib.
O, Rusiya tərəfinin nə cavab verdiyini bildiyini deyib, lakin ətraflı açıqlama verməyib. “Bilirəm, amma deməyəcəyəm. Bunun mənə aidiyyəti yoxdur. Mən dediklərimin sahibiyəm. Nə demişəm, düz demişəm, yeni bir şey deməmişəm. Mən bu gün və hər zaman eyni şeyi təkrar etməyə hazıram”, – deyə Parlamentin sədri bildirib.
Daha əvvəl xəbər vermişdik ki, Rusiya Federasiyası Federal Şurasının sədri Valentina Matvienko Parlamentin sədri Alen Simonyanın anti-Rusiya bəyanatları ilə bağlı Ermənistan parlamentinə sorğu göndərilməsi barədə göstəriş verib.
