NewDay.am-ın məlumatına görə, Kirantsi administrasiyasının rəhbəri Kamo Şahinyan Kirantsidə sərhədlərin delimitasiyası prosesi haqqında ətraflı məlumat verib.
“Bizim “Xaçilar” adlı hündürlüyü var idi, düz xaç üstündə idi, oradan 25 metr aşağı endirdilər, buna görə də bunu bacaran insanlara xüsusi minnətdaram. İndi bizim bu “burnumuz” – kəndin bir hissəsi qalıb, ən ağrılı yeridir. 9 hektar yarım itirdiyimiz torpaqları da çay vasitəsilə aşağı endirilib, yəni torpaqlarımızdan bir santimetr belə keçmir, arxada 4500 metr uzunluğu ilə 3 özəlləşdirilən torpaq var, vurulan toçkalar düz götürsələr, içinə düşür amma dedilər, elə edəcəklər ki, düz xətt yerinə mötərizə ilə keçsin , o da bizdə qalsın. İndi biz kəndin və körpünün danışıqlar mərhələsində olan hissəsini gözləyirik. 7, 8, 9, 10, 11-ci bəndlər yerinə yetirilib, oradan bir santimetr torpaq itirmirik, 12, 13, 14-ü qalıb, heç nə verilməyib. 15-i onların kəndindədir, əslində onların ərazisi idi. Kəndim, hamı bilir bunu, hətta onların torpağı da bizə keçib. Hazırda bu, tamamilə müsbətdir, bizim xeyrimizədir”, – deyə o bildirib.
Kamo Şahinyan ümumiləşdirib ki, demarkasiya nəticəsində 3 hektar ərazi Ermənistan tərəfinə keçir. “Hazırda heç bir özəlləşdirilən torpaq sahəsi onlara keçmir, bu ana qədər baş verənlərdən razıyam”, – deyə administrasiya rəhbəri bildirib.
