Bakı rejimi daha bir növbədənkənar, bu dəfə parlament seçkilərinə hazırlaşır. Konstitusiyaya görə, hazırkı Milli Məclisin səlahiyyət müddəti Noyabrın birinci bazar günü başa çatır. Lakin iqlim məsələləri ilə bağlı beynəlxalq konfransı Noyabr ayına planlaşdırıldığı səbəbindən, parlament seçkiləri “erkən tarixə təxirə salına bilər”. Bu barədə rejimin Mərkəzi seçki komissiyasının rəhbəri Pənahov bildirib. Onun sözlərinə görə, “məntəqə seçki komissiyalarında maarifləndirmə işinə başlamağın vaxtı çatıb”.
Ekspert dairələrində belə bir ehtimal var idi ki, parlament seçkilərin ərəfəsində hakimiyyət Seçki məcəlləsini nisbətən liberallaşdıracaq və proporsional sistemi qismən bərpa edəcək, yəni seçkilərdə nəinki majoritar dairələrdən namizədlər, hətta siyasi partiyalar da iştirak edəcək.
Bunun fonunda “klassik müxalif” Müsavat partiyasının növbəti qurultayının keçirildiyi və İsa Qəmbərin partiyanın başçısı seçildiyi barədə məlumat daxil olub. O, Azərbaycan siyasi sisteminin “boz kardinalı” kimi tanınır. İxtisasca tarixçi olan Qəmbər 1989-cu ilin payızında Azərbaycan xalq cəbhəsinin yaradıcılarından birinə çevrilib və anti-konstitusiya koopitasiya prinsipi ilə Ali Sovetin deputatı seçilib. Qəmbər 1992-ci ildə Azərbaycan Ali Sovetinin sədri təyin olunub və Müsavat partiyasını yaradıb, 2014-cü ilə qədər daimi olaraq “başqan” vəzifəsini icra edib. Qəmbər 1993-cü il İyunun 15-də Ali Sovetin sədri vəzifəsindən istefa verməsi ilə tanınır ki, bununla da Heydər Əliyevə ali hakimiyyətə yol açıb.
Qəmbər böyük siyasətdən 10 illik fasilədən sonra qayıdır. İlham Əliyev ona hansı missiyanı tapşırıb? “Klassik müxalifət”in növbədənkənar parlament seçkilərində iştirakı, şübhəsiz ki, növbəti seçki təlxəkliyinə formal legitimlik verəcək.
İnanmaq çətindir ki, ən təcrübəli Qəmbər siyasi klakör roluna razı olacaq. İstisna olunmur ki, o, yeni seçilən Milli Məclisin spikeri olacaq. Qəmbər qızğın millətçi-rusofob kimi tanınır. Özünü Vladimir Putinin sıx məngənəsində tapan Əliyevə alternativ, lakin eyni zamanda tamamilə idarə olunan siyasi xadimə çox ehtiyac var. O, İsa Qəmbər ola bilər.
Görünür, hər şey pərdəarxası siyasi texnologiya qanunlarına uyğun proqramlaşdırılıb, amma bir AMMA var: Qəmbər və bütün “klassik müxalifət”, o cümlədən Xalq cəbhəsi bir vaxtlar Lubyankadan birbaşa göstərişlə SSRİ DTK-nın general-leytenantı Viktor Polyaniçkonun şinelinin altından çıxıblar və bu, bir məqsəd daşıyırdı: Heydər Əliyevin rus-türk Azərbaycanın lideri kimi siyasi reinkarnasiyası.
