Baş nazir Nikol Paşinyan Ermənistanın güzəştlərinin həddi nə qədərdir sualına cavab verib. Alınan məlumata görə, hökumətin sual-cavab iclasında o, 2018-ci ilin aprelindən Dağlıq Qarabağ problemi ilə bağlı vəziyyətin yarandığını, Ermənistanın ya güzəştə getməli, ya da müharibəyə getməli olduğunu xatırladıb.
“2018-ci ildən bəri Dağlıq Qarabağ problemi ilə üzləşdiyimiz ən böyük problem odur ki, 2018-ci ilin aprelinə qədər biz ya güzəştə getməli, ya da müharibəyə getməli olmuşuq.
Mən də bu sualı verdim öz-özümə, dedim: Yaxşı, gedək bu güzəştə və bu güzəştlər prosesi harada dayanacaq? Və bu suala cavab ala bilmədim.
İndi bu suala cavabım varmı? Bəli, mənim o sualın cavabı var və o sualın cavabı Ermənistan Respublikasının 29 min 743 kvadratmetridir.
O zaman demək çox çətin deyil, hər cəhətdən mümkün deyildi: camaat, biz razılaşmalıyıq ki, Dağlıq Qarabağ Azərbaycanın tərkibində muxtar olmalıdır, o məntiqlə birgə idarə olunmalı və güzəştlərimizin həddi 29 min 743 kvadrat kilometr olmalıdır” – deyərək Paşinyan vurğulayıb.
Onun sözlərinə görə, o zaman belə bir açıqlama vermək mümkün olmazdı.
“Mən buna özümü inandıra bilmədim və bu mənim ən böyük səhvim və uğursuzluğumdur”. Bəli, dövlət məmuru başa düşməli idi ki, bütün bunları öz üzərinə götürməlidir.
Və buna görə də mən bunu bu gün edirəm, bunu öz üzərimə götürməliyəm, çünki belə olmasa, başqa heç kim etməyəcək” – deyərək Paşinyan yekunlaşdırıb.
