2018-2022-ci illərdə Belarus və Ermənistanın Kollektiv Təhlükəsizlik Müqaviləsi Təşkilatında müttəfiq sayılmasına baxmayaraq, Belarus Azərbaycana müasir silahlar tədarük edib. Bu barədə Politico əlində olan sənədlətə istinadən yazır.
Sənədlər arasında Belarusun 2018-2022-ci illərdə Azərbaycanın silahlı qüvvələrinə fəal yardım etdiyini sübut edən ondan çox məktub, diplomatik notlar, ödəniş qəbzləri və ixrac pasportları var. Təklif olunan xidmətlərə köhnə artilleriya avadanlıqlarının modernləşdirilməsi və radioelektron müharibə və pilotsuz uçuş aparatları sistemləri üçün istifadə edilən yeni avadanlıqların tədarükü daxildir.
Sənədlərə Belarusun Silah İxracının Dövlət Agentliyinin hərbi sənaye şirkətlərinə göndərdiyi məktublar da daxildir.
Onların sözlərinə görə, Azərbaycana ən son artilleriya nişan alma texnikası ixrac edilib. Bundan əlavə, Belarus və Azərbaycan №Qroza-S” anti-PUA sisteminin alınması barədə razılığa gəliblər.
Son illər ərzində Azərbaycan və Ermənistan silahlı qüvvələri arasında döyüşlərdə artilleriya və pilotsuz uçuş aparatlardan geniş istifadə olunub. Buraya 2020-ci ildə Dağlıq Qarabağda olan müharibə də daxildir. POLITICO tərəfindən nəzərdən keçirilən diplomatik mesajlardan birində bildirilir ki, Belarus durumları “Azərbaycanın işğal olunmuş ərazilərinin bərpasında, həmçinin Belarus mallarının və xidmətlərinin ölkəyə ixracında” fəal rol oynayırlar.
Qeyd olunur ki, Azərbaycan da 2022-ci ilin sentyabrında mühüm strateji yüksəklikləri ələ keçirərək Ermənistan Respublikasının ərazisinə təcavüzlərə başlayıb. O zaman Ermənistan KTMT-yə dəstək üçün müraciət etmiş, sonradan sonuncu yalnız faktaraşdırıcı nümayəndə heyəti göndərməyi təklif etdikdən sonra alyansı üzərinə götürdüyü öhdəlikləri yerinə yetirməməkdə ittiham edib.
Yerevan Regional Demokratiya və Təhlükəsizlik Mərkəzinin hərbi analitiki Eduard Arakelyan vurğulayıb ki, sızan sənədlər Azərbaycanın həm Dağlıq Qarabağda, həm də Ermənistana qarşı apardığı son müharibələrdə istifadə etdiyi texnikadan bəhs edir.
“Həmin texnika erməni qoşunlarına qarşı dağıdıcı təsirlə istifadə edilib və guya Ermənistanın müttəfiqi olan ölkə tərəfindən təmin edilib. Formal olaraq bu, KTMT alyansının tam pozulmasıdır, amma praktikada biz həmişə bilirdik ki, alyans Azərbaycanı daha çox dəstəkləyir”.
Belarus prezidenti Aleksandr Lukaşenko Ermənistanın kağız üzərində müttəfiqi olmasına baxmayaraq, əvvəllər Azərbaycan prezidenti İlham Əliyevi “bizim adamımız” adlandırıb və KTMT-nin ona qarşı çıxmasının “səhv” olacağını bildirib. Əliyev də Öz növbəsində 2022-ci ildə deyib ki, “KTMT-də Ermənistandan daha çox dostumuz var”.
Ekspertlər bildirirlər ki, Moskvanın ən yaxın müttəfiqlərindən biri olan Belarusun Kremlin dəstəyi olmadan fəaliyyət göstərməsi ehtimalı azdır.
