Stepanakertin mərkəzi küçələrindəki binalardan bütün erməni yazıları yığışdırıldı: monumentwatch.org

Azərbaycan tərəfi Stepanakertin mərkəzi küçələrindən biri olan Azatamartiklər prospektində yenidənqurma işlərinə başlayıb. Stepanakertdə işləyən inşaatçıların yerləşdirdiyi videolarda bunu çox gözəl görmək olar. Şəhərin musiqi texnikumunda, ona bitişik binalarda Azərbaycanca “yenidənqurma” aparılır, Stepanakert geoloji muzeyinin yanında tikinti texnikası dayanır. Bu barədə Monumentwatch.org xəbər verir.

Videolardan görünür ki, Stepanakertin mərkəzi küçələrindəki binalardan bütün erməni yazıları – lövhələr, reklamlar, küçə adları yığışdırılıb.

Belə yenidənqurmadan sonra binalar adətən yeni funksiya qazanır. Bu təhlükə Azadlıq döyüşçüləri prospektində yerləşən və ilk olaraq yenidən qurulan mədəniyyət müəssisələrini təhdid edir. Belə olan halda həmin binaların bütün əmlakının – kitabların, arxiv materiallarının, eksponatlarının və s.-nin taleyi naməlum olaraq qalır. Belə yenidənqurmalardan sonra müxtəlif illərdə bu tikililərin yaxınlığında küçədə ucaldılan kiçik mədəni kompozisiyalar da yoxa çıxır. Belə ki, Artsaxbankın mərkəzi binasının funksional dəyişikliyindən sonra heykəltəraş Robert Askarianın müəllifi olduğu nar ağacının təsviri olan kompozisiya itib (şək. 1).